«Pfizer» вакцинасын балаларға да егуге болады

Қазақстандықтардың көпшілігі күтіп жүрген «Pfizer» вакцинасы елімізге IV тоқсанда келуі тиіс. Бұл вакцинаны 12 жастан бастап балаларға да қолдануға болады. Бұл туралы ӨКҚ-де өткен брифингте Қоғамдық денсаулық сақтау ұлттық орталығы төрағасының орынбасары Айнагүл ҚУАТБАЕВА мәлімдеді.

Қазір Қазақстанда коронавирусқа қарсы иммундау үшін вакцинаның төрт түрі қолданылады: «QazVac», «Спутник V», «Hayat-Vax» және «CoronaVac». Бұдан басқа, биыл күзде Қазақстанға «Pfizer» мен «Спутник Лайт»  вакциналарын жеткізу туралы келісім бар. Бүгінде балаларды вакциналау мүмкіндігі қарастырылуда - әрине ата -ананың келісімімен. Бұдан басқа, бір компонентті «Спутник Лайт» вакцинасы тұрғындарды вакциналау уақытын қысқартып, ұжымдық иммунитеттің түзілуін тездетеді деп күтілуде.

Зульфия ИСКАЛИЕВА