ДДСҰ басшысы адамзат үшін "нақты қауіп" басталғанын ескертті

1 882 просмотра

Вакцинация сәтті болғанына қарамастан, коронавирус инфекциясының таралуына байланысты адамзатқа қауіп төніп тұр. Бұл туралы Дүниежүзілік денсаулық сақтау ұйымының бас директоры Тедрос Гебрейесус мәлімдеді, - деп хабарлайды Tengrinews.kz басылымы РИА Новостиге сілтеме жасап.

"Вакциналардың қысқа мерзімде дайындалуы арқасында біз айтарлықтай алға жылжыдық. Бірақ, қазір әлем нақты қауіпке душар болды. Біз бұрын қол жеткізген көп жетістік жойылып жатыр", - деді Тедрос Гебрейесус. Оның сөзі ұйымның сайтында жарияланған.

ДДСҰ басшысының айтуынша, COVID-19 жағдайының көбеюіне адамдардың әлеуметтік байланыстарға қойылатын шектеулерді тоқтатуы, денсаулық сақтау жүйелерінің біркелкі жұмыс істемеуі және вакцинация жылдамдығының біркелкі еместігі себеп.

Бір күн бұрын Гебрейесус қыркүйектің соңына дейін қайта вакцинацияға уақытша мораторий енгізуге шақырды.

ДДСҰ-ның бағалауы бойынша, әлемде COVID-19-ға қарсы вакцинаға жаһандық теңсіздік сақталған. Кедей елдерде вакцина шығаратын бай елдерге қарағанда әлдеқайда аз адам вакцина алған немесе бір дозаны ғана алған.

6 тамыз 2021, 11:43

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.