Құлаған лифтіде қаза болған ер адамның өліміне қатысты қылмыстық іс қозғалды

Атырау облысы полиция департаменті істі ҚР ҚК-нің 280-бабы («Сараптамалық жұмыстарды немесе инжинирингтiк қызметтер көрсетуді тиісінше орындамау») бойынша тергеп жатыр. Сараптама тағайындалды.

Естеріңізге сала кетсек, 4 тамызда Residence Ardager ТК (Атырау сауда орталығы жанында) 15 -ші қабаттан лифт құлады, салдарынан «Lift Invest» ЖШС-нің 39 жастағы жұмысшысы қаза болды, ал ауыр жарақат алған екінші жұмысшы облыстық ауруханаға жеткізілді. Денсаулық сақтау басқармасының баспасөз қызметі хабарлағандай, оған ота жасалды, қазір ол жансақтау бөлімінде жатыр, жағдайы тұрақты ауыр.

Фархат ӘБІЛОВ