Бүгін, 4 тамызда «Residence Ardager» тұрғын үй кешенінде 15 қабаттан лифт шахтасына құлап кетті. Лифт жөндейтін компанияның 39 жастағы монтері қаза болып, екінші жұмысшы ауыр жарақат алып, облыстық ауруханаға жеткізілді.
- 1987 жылы туған науқас облыстық аурухананың жансақтау бөлімінде ауыр халде жатыр. Травматикалық шок, бірнеше жерден түрлі жарақат алған. Қазір отаға дайындалуда. Операциядан кейін дәрігерлердің бақылауында болады, - деп хабарлады денсаулық сақтау басқармасының баспасөз қызметі.
Атырау облысы полиция департаментінің хабарлауы бойынша, тергеуалды тексеру жүргізіліп жатыр.
Фархат ӘБІЛОВ
Сурет әлеуметтік желіден алынды