В Атырау
-1 
Италиялық дизайнер Стефано Риччи жасаған аяқ киімде өзбек туы мен елтаңбасының бейнеленуін Өзбекстанның әділет министрлігі "рәміздерді сыйламау" деп атады, деп хабарлайды centralasian.org.
Министрлік таратқан мәліметте "бұл жағдайды елдің мемлекеттік белгілерін, соның ішінде туы мен елтаңбасын сыйламау деп бағалауға болады" делінген.
Әділет министрлігінің хабарлауынша, "Мемлекеттік елтаңба туралы" заңда Өзбекстан елтаңбасын коммерциялық мақсатта пайдалануға тыйым салынған, ал мемлекеттік белгілерді мазаққа айналдырғандар заңмен жазаланады.
Министрлік мәлімдемесінен соң, Ташкенттегі Glamour бутигі Стефано Риччидің коллекцияларына қатысты ақпаратты сайты мен әлеуметтік желілердегі парақтарынан алып тастады.
Бұның алдында жергілікті баспасөз италиялық дизайнер Стефано Риччи Өзбекстан үшін аяқ киімдер коллекциясын ұсынғанын, онда елдің туы мен елтаңбасы бейнеленгенін жазған.
Мәліметтерге қарағанда, Өзбекстан елтаңбасы бейнеленген ақ кроссовка 18 миллион сум (1695 доллар), көк кроссовка 24 миллион сум (шамамен 2,5 мың долар) тұрады.