24 шілдеде 40 жастағы Атырау қаласының тұрғыны полицияға өзінің ұялы телефонындағы банк қосымшасы арқылы белгісіз біреу несие рәсімдегені туралы арызданған. Полиция 31 жастағы күдіктіні ұстады - ол жәбірленушінің бір кеңседе бірге жұмыс жасайтын танысы болып шықты.
Атырау облысының Полиция департаменті хабарлағандай, ҚР Қылмыстық кодексінің 190-бабы 1-бөлігі ("Алаяқтық") бойынша сотқа дейінгі тергеу амалдары жүргізілуде.
ПД бастығы Қамза ҮМБЕТҚАЛИЕВТЫҢ айтуынша, ақпараттық жүйені пайдаланушыны алдау немесе сенімін теріс пайдаланғаны сотта дәлелденсе, 4 мың АЕК-ке дейінгі мөлшерде айыппұл салуға, не 4 жылға дейінгі мерзімге бас бостандығын шектеуге, не сол мерзімге бас бостандығынан айыруға жазаланады.
Нұрбейбіт НҰҒЫМАНОВ