Аудандар қар құрсауында қалды

Ақпандағы ақ боран аудандарды да әбігерге салды.

Индер, Исатай, Махамбет, Мақат аудандарында қар тазалау жұмысы жүріп жатыр. Ал Құрманғазы ауданында түн болса да қар жаууы толастаған жоқ. Құлсары қаласында қардан бұрын жаңбыр жауды, мұздақ пайда болып, көлік қозғалысы қиындап кетті.  Ауа-рйының қолайсыздығынан балабақша уақытша жабылды. 

- Бүгін автобустар жолға шықпай, адамдарға жұмысқа жету қиын болды. «Промэкология» ЖШС жұмысшылары арнайы техникамен жолға тұз араласқан топырақ сеуіп, түнде де жұмыстарын жалғастырды, - дейді Құлсары қаласы әкімінің орынбасары Қадыржан АДИНОВ.

Аудан орталығы Миялыны да қөар басып кетті. Миялы округінің әкімі Сәндібек САЛИХОВТЫҢ мәлімдеуінше, ЖК «Тазалық» бес техникамен көшелерді қардан тазалауда.  

Ләззат ҚАРАЖАНОВА

Суреттерді түсірген автор