13 ақпан күні кешке Индер ауданы Көктоғай ауылында 39 жасар жүргізуші «Нива» автокөлігімен көшеде келе жатқан 15 жасар екі мектеп оқушысын қағып кетті.
Екі бала Көктоғай дәрігерлік амбулаториясына жеткізіліп, оларға алғашқы медициналық көмек көрсетілген. Кейін облыстық балалар ауруханасының травматология бөлімшесіне аударылған.
ЖКО байланысты ҚР ҚК 345 бабы 1 бөлігімен ("Жүргізушінің көлiк құралдарын пайдалану қағидаларын абайсызда адамның денсаулығына ауырлығы орташа зиян келтiруге әкеп соққан бұзуы") қылмыстық іс көтеріліп, тергеп-тексерілуде.
Ләззат ҚАРАЖАНОВА