Елбасы атыраулықтардың Түркістанға жасаған сыйын бағалады

28 қыркүйекте Түркістан облысына сапары кезінде Нұрсұлтан НАЗАРБАЕВ бірқатар жаңа нысандарды аралады. Соның ішінде Атырау облысының Түркістанға сыйға тартқан «Ұлы дала елі» мәдени орталығына барды.

Естеріңізге салсақ, бұл нысан құрылысының құны - 9 миллиард теңгеден астам. Бұл қаражатты Атырау облысының бюджеті мен ТШО компаниясы шамамен тең бөліскен.

Тұңғыш Президенттің сайтында көрсетілгендей, Елбасы орталықтың «Ұлы Дала Металлургиясы», «Ұлы даланың атқа міну мәдениеті» және «Қазақстан – түркі әлемінің бесігі» атты экспозициялық кешендерімен танысқан. Сонымен қатар Қазақстанның Тұңғыш Президенті «Қазақ хандығы», «Ұлы даланың қала мәдениеті», «Қазақстан – алма мен қызғалдақтың отаны» және «Болашақ Қазақстан» атты тақырыптық залдарды аралады.

Түркістан облысы әкімдігінің баспасөз қызметінің ақпаратына сәйкес, дәл ортасында Қазақ хандығының құрылуынан бастап бүгінгі күнге дейінгі Қазақстан тарихының кезеңдерін ашатын 9 зал бар. Орталықтың жалпы ауданы 6200 шаршы метр болады.

Айта кету керек, Атырау облысының тұрғындары бұл құрылыс туралы жаңалықты әртүрлі қабылдады. Әлеуметтік желіде бұл жобаны тоқтату туралы жағымсыз пікірлер мен талаптар көп болды. Бұған облыс әкімдігі жергілікті бюджеттің шығыс бөлігіндегі тиісті тармақты облыстық мәслихаттың депутаттары сонау 2018 жылы бекітті, ал құрылыс 2019 жылы басталды, «кері жол жоқ» деп жауап берген еді.

Нұргүл ХАЙРУЛЛИНА