Атырау, 17 шілде 00:10
 ашықВ Атырау +28
$ 474.62
€ 517.19
₽ 5.39

Голландияның жас футболшыларына төрешіні өлтірді деген айып тағылып отыр

1 614 просмотра
АСТАНА. 7 желтоқсан. ҚазАқпарат - Голландия соты үш жас футболшыға төрешіні өлтіргендері үшін ресми айып тақты, деп хабарлайды ВВС.

Олардың кінәлары дәлелденген жағдайда жеткіншектер бір жылдан екі жылға дейін бас бостандықтарынан айырылуы мүмкін.

Еске салайық, бүйір төреші Ричард Новехуйзен (Richard Nieuwenhuizen) 2 желтоқсан күні өткен жастар чемпионатының матчы барысында "Нойв Слотен" (Nieuw Sloten) Амстердам клубының футболшылары оған шабуыл жасағаннан кейін көз жұмды.

14-15 жастағы спортшылар 41 жастағы арбитрді қолдарымен және аяқтарымен соққылай бастаған. Ер кісі қашпаққа әрекеттенді, бірақ жастар оны қуып жетіп, ұруларын жалғастырды. Салдарынан рефери келесі күні мерт болды. Төрешіге жасалған шабуылдың мән-жайы әлі күнге дейін нақты анықталған жоқ.

Қылмыс Нидерландыны ғана емес, бүтін әлемді есеңгіретіп, қоғамның ашуын тудырды. Оның үстіне, "Нойв Слотен" футболшыларының қарсылас командасында қаза болған төрешінің ұлы болды.

Дереккөз: inform.kz

7 желтоқсан 2012, 09:12

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 700 672 70 30 нөміріне және editor@azh.kz поштасына жібере аласыз.