Прокурор «Сары Бөктер» шекара заставасының бұрынғы басшысы Фоминді 10 жылға соттауды сұрады

1 595 просмотра

ТАЛДЫҚОРҒАН. 4 желтоқсан. ҚазАқпарат - Мемлекеттік айыптаушы Қайрат Ермаханов Талдықорған әскери гарнизонының судьясы Ержан Абдуллиннан «Сары Бөктер» шекара заставасының бұрынғы басшысы Алексей Фоминді жалпы режимдегі түзеу мекемесінде жазасын өтеумен 10 жылға соттауды сұрады.

Айта кетейік, Алексей Фоминге қатысты қылмыстық іс 7 маусымда қозғалған болатын, кейін ол соттың санкциясымен қамауға алынды. Сотқа іс 2012 жылдың 31 қазанында түсті.

А. Фоминге ҚР ҚК-нің бірнеше баптары бойынша айып тағылып отыр. Атап айтқанда, ол биылғы жылы мамырдың 28-і мен 30-ы аралығында «Арқанкерген» шекаралық бекетімен байланыстың болмағанын Үшарал шекара заставасының басшылығынан қасақана жасырғаны және оның себептерін анықтау мен қалпына келтіру бойынша шара қолданбағаны үшін, оқ-дәрілерді сақтағаны және қызметтік бабын асыра пайдаланғаны үшін айыпталуда.

Өткен аптаның дүйсенбі мен сейсенбі күндері куәгерлер сұралды. Сондай-ақ Үшарал шекара жасағының бұрынғы басшысы Сержан Нұржановтан да түсінік алынды.

Дереккөз: inform.kz

4 желтоқсан 2012, 14:41

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.