Атырау, 21 шілде 20:50
Түнде бұлыңғыр болады+27, таңертең +24
ҚР Ұлттық банкінің валюта бағамы: $ 384.39  € 431.71  P 6.11

Президент «Шелл» компаниясының атқарушы директорымен мұнай-газ саласындағы ынтымақтастық келешегін талқылады

30 қараша 2012 20:53

АСТАНА, 30 қар – Қазақстан жаңалықтары АА. Қазақстан Президенті Нұрсұлтан Назарбаев «Шелл» концернінің бас атқарушы директоры Питер Возерді қабылдады, деп хабарлайды Ақорданың баспасөз қызметі.
Кездесуде Қазақстан мен компанияның еліміздің мұнай-газ саласындағы ынтымақтастығының келешегі талқыланды.
Мемлекет басшысы «Шелл» компаниясы республиканың мұнай-газ саласындағы ерекше мәні бар инвесторының бірі екенін атап өтті.
- Концерн бірқатар мұнай-газ кен орындарына, оның ішінде Қашаған тәрізді ірі кен орнына зерттеу жүргізуде Қазақстанның маңызды серіктесі болып саналады. Біз осы кен орындарын одан әрі зерттеу мәселесін және компанияның біздің еліміздегі жұмысының келешегін талқылауға тиіспіз, - деді Нұрсұлтан Назарбаев.
П.Возер кездесу үшін алғысын айтты және бұл оның Қазақстан астанасына алғашқы сапары екенін атап өтті.
- Бүгінде біздің компания Қазақстанда жемісті жұмыс істеп жатыр. Біз өзара тиімді ынтымақтастығымыз одан әрі жалғасын табады деп үміттенеміз, - деді «Шелл» концернінің бас атқарушы директоры.
П.Возер Нұрсұлтан Назарбаевты және Қазақстан халқын үлкен жетістіктерімен – Астанаға ЭКСПО-2017 халықаралық көрмесін өткізу құқығының берілуімен құттықтады.
«Шелл» компаниясы – түрлі энергетикалық және мұнай-химиялық кәсіпорындарды біріктіретін халықаралық концерн. Компания - Қазақстанның мұнай-газ саласындағы ірі инвесторы.  

Дереккөз: newskaz.kz
 

Нашли ошибку? Выделите её мышью и нажмите Ctrl + Enter.

Есть, чем поделиться по теме этой статьи? Расскажите нам. Присылайте ваши новости и видео на наш WhatsApp +7 707 37 300 37 и на editors@azh.kz

 

1002 рет қаралдыБасты бет Поделиться:

Подпишитесь и узнавайте о новостях первыми


Басты бет

Наш WhatsApp номер для новостей:
1 2 3 4