Қылмыстық хроника

21 қарашада Махамбет селосындағы кафелердің бірінде 32 жастағы қоғамдық тамақтану орнының қызметкері клиентіне бас салып, жеңіл дене жарақатын салған.

***

21 қараша күні тал түсте Махамбет көшесіндегі дүкенде белгісіз біреу сатушыға шабуыл жасап, оның 30 мың теңгесін тартып алған. Тергеу жүргізілуде.

***

23 қарашада күндіз Құрсай поселкесінде Балықшы полициясы бөлімшесінің қызметкерлері 36 жастағы жергілікті тұрғын жүргізіп келе жатқан ВАЗ-2110 көлігін тоқтатқан. Көлік салонынан 144 келі сазан табылды.

***

Полиция Жұмыскер поселкесіндегі 28 жасар алаяққа іздеу жариялады. Оған үш қылмыс бойынша айып тағылып отыр. Бірінші жағдайда, ол жер учаскесін алып беруге уәде етіп, жеке кәсіпкер әйелден 4 млн теңге алған. Екі басқа жағдайда, мемлекеттік бағдарлама бойынша пәтер алып беруге көмектесемін деп уәде етіп, 600 мың және 180 мың теңге алыпты.

***

24 қарашада түнгі сағат 2-де полицияға ЖШС-лердің бірінде моторшы боп жұмыс істейтін украиналық мейман Привокзальныйдағы мейманханада белгісіз біреу күш қолданып, оның 5 мың теңгесін, 100 долларын және алтын жүзігін алып кеткенін хабарлады. Тергеу жүргізілуде. 

***

25 қарашаға қараған түні Атырау қаласының 28 жастағы тұрғыны полицияға Азаттық даңғылы бойындағы кафелердің бірінің жанында белгісіз біреудің өзін соққыға жығып кеткенін хабарлады. 28 жастағы қала тұрғыны ұсталды.