В Атырау
+21 
Бүгін Әлемнің ғалымдар тобы Рамаллада Палестинаның бұрынғы лидері Ясир Арафаттың мәйітін эксгумациялады. Сондағы мақсат – марқұмның шын мәнінде неден қайтыс болғанын анықтау. Өйткені, палестиналықтардың көпшілігі оның Израиль берген удан көз жұмғанына күмән келтірмейді. Бірақ, еврей мемлекеті өзіне тағылған кінәні жоққа шығарып келеді.
Ал, Швейцария зерттеушілері Арафаттың киімдерінен радиоактивті полонийдің ізін тапты. Содан кейін Арафаттың жесірі Суха күйеуінің мәйітін қабірден қайтадан қазып алуды талап етіп, автономия үкіметіне өтініш берген болатын. Эксгумацияға Ресей, Швейцария, Франция мамандары қатысты. Лозанна университеті госпиталінің баспасөз хатшысы Дэрси Кристеннің айтуынша, қорытынды шығару үшін бірнеше ай кетеді. Демек, әлем жұртшылығы Арафаттың өлімі неден келгенін тек келесі жылдың наурыз немесе сәуір айларында білуі мүмкін.
Дереккөз: kaztrk.kz
27 қараша 2012, 16:44
WhatsApp арқылы хабар жіберу