Жыл басынан бері Атырау облысындағы медициналық мекемелерге 1,5 миллиард теңгеге 345 атауда дәрі-дәрмектер түсті. «СК Фармация» ЖШС баспасөз қызметі хабарлағандай, бұл дәрі-дәрмектер тегін медициналық көмектің кепілдік берілген көлемі аясында белгілі бір сырқаты бар азаматтар санаттарына тиесілі.
Стационарларда емделіп жатқан пациенттер үшін жыл басынан бері өңірге 1,2 миллиард теңгенің дәрі-дәрмектері жіберілген (стационарлар жыл сайын 3,2 млрд теңгеге дәрі-дәрмек алуы қажет).
Дәрі-дәрмектер стационарларға, сондай-ақ амбулаториялық қамту үшін медициналық мекемелерге, яғни диспансерлік есепте тұрған және рецепт бойынша тегін дәрі-дәрмек алатын азаматтар үшін жеткізілген.
Қандай аурулар үшін тегін дәрі-дәрмек алуға болады:
- жүректің ишемиялық ауруы;
- пневмония, бронх демікпесі;
- артериялық гипертензия;
- аритмия;
- созылмалы жүрек функциясының жеткіліксіздігі
- жүрек қақпақшалары протезделген науқастар
- созылмалы С вирусты гепатиті, бауыр циррозы сатысын қоса алғанда
- дельта және дельта агентсіз В вирустық гепатиті
- Крон ауруы;
- ойық жаралы колит;
- асқазанның және ұлтабардың ойық жарасы;
- гематологиялық аурулар, гемобластоздар және апластикалық анемияны қоса алғанда;
- темір тапшылығы анемиясы;
- қан ұю факторларының тұқым қуалайтын тапшылығы
- аутоиммундық аурулар және иммундық- тапшылықтың жай-күйі
- қант диабеті.
Бірақ бұл тізімнің бір бөлігі ғана. Тегін дәрі-дәрмектер берілетін аурулардың толық тізімін мына жерден табуға болады. Бұл тізімде жаңа туған нәрестеге арналған дәрі-дәрмек қобдишасы да бар.
Дайындаған Нұргүль ХАЙРУЛЛИНА