Атырауда елге оралушылар үшін Амстердам рейсі әлі қатынайды

Атырау әлі күнге дейін Амстердамнан келетін арнайы әуе рейсін қабылдауда. Бұл туралы облыс әкімінің орынбасары Серік ШАПКЕНОВ карантинді ұзартуға қатысты онлайн өткен брифингте мәлімдеді.

- Біз шетелде жүрген қазақстандықтарға отанына оралуға мүмкіндік беруге тиістіміз. Сондықтан Амстердам-Атырау рейсі отандастарымызды тасымалдауда. Тиісінше, шетелдіктер осы рейс арқылы өз елдеріне жетуге мүмкіндік алады, - деді әкім орынбасары.

Бұл рейс штабтың рұқсатымен орындалады. Шапкенов атап өткендей, ұшып келген барлық жолаушы сол бойда тест-сынама тапсырып, карантинге жіберіледі.

Бұдан басқа, Атырау халықаралық әуежайы жүк рейстерін де қабылдайды.

Нұргүл ХАЙРУЛЛИНА