Атырауда карантин режимі 1 мамырға дейін ұзартылды, ал 16 сәуірден бастап қозғалыс «толық жабылады»

Атырауда 30 наурыздан 15 сәуірге дейін енгізілген карантин режимі 1 мамырға дейін ұзартылды. Бұл туралы төтенше жағдай режимін қамтамасыз ету жөніндегі шұғыл штаб хабарлады. Бұдан басқа, 16 сәуірден бастап қалада «қозғалыс толық жабылады» деп күтілуде, бірақ тағы қандай тыйымдар болатынын штаб әзірге нақтылаған жоқ.

16 сәуірден бастап азаматтардың тіршілік әрекетін қамтамасыз ететін орындарды қоспағанда, барлық кәсіпорындар мен ұйымдар толықтай жабылады деп күтілуде.

- Тұрғындар барынша өздерін оқшаулары тиіс. Сонда ғана коронавирус инфекциясының таралуын тоқтатуға болады, - дейді штаб. Көп ұзамай жаңа шектеулер жария етілетінін хабарлады.

Фархат АБИЛОВ