Атырауда құқыққорғаушылар әйелдер колониясын тексерді

Сурет
2 289 рет қаралды


Қоғамдық бақылау комиссиясы Атырау қаласындағы УГ-157/11 (әйелдер түзету колониясы) мекемесіне барды. Құқыққорғаушылар төтенше жағдай кезіндегі санитарлық шаралардың сақталуын тексеріп, сотталушыларға кеңес беріп, құқықтық көмек көрсетті.

Бақылаушылар медициналық бөлімшені, асхананы, өндірістік цехты аралады. Айтарлықтай кінәрат-талаптар туындаған жоқ.



- Мекеме гигиена және дезинфекциялау құралдарымен толықтай қамтылған. Тексеру кезінде қызметкерлер арнайы қорғаныс костюмін киіп жүрді, - дейді УГ-157/11 мекемесі бастығының орынбасары Руслан СҰЛТАНОВ.

Тексеру барысында құқыққорғаушыларға сотталушылардан шағым мен өтініш түспеді.

ҚАЖД баспасөз қызметінің мәліметінше, бүгінде Атыраудағы екі түзету колониясында 500-ден астам адам жазасын өтеуде.

Фархат ӘБІЛОВ

ҚАЖД баспасөз қызметі ұсынған суреттер

7 сәуір, 13:36

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 707 37 300 37 нөміріне және editors@azh.kz поштасына жібере аласыз.