Атырау облысында төтенше жағдай мен карантин режимін бұзған 100-ден астам жағдай тіркелді

1 083 рет қаралды


Бүгінде Атырау облысында төтенше жағдай режимі мен карантинді бұзған 108 жағдай анықталды. Мәселен, кейбір ойын клубтары, сауна мен кафелер тыйым салынғанына қарамастан жұмыстарын жалғастырған. Сонымен қатар, бақылау-өткізу бекетін айналып өтпек болған 10 жағдай тіркелді.

Әкімшілік сот 86 іс бойынша шешім шығарды, тағы 22 іс қаралуда.

- Атырауда, мәселен, қала тұрғыны дәлелді себепсіз көлігімен жүрген, оның жүргізуші куәлігі болмаған. Сот оны 5 тәулікке қамауға алуды ұйғарды. Тыйым салынғанына қарамастан жұмыс жасаған сауна қожайыны да осындай мерзімге қамауға алынды, - дейді Атырау облыстық Полиция департаментінің өкілі Гүлназира МҰХТАРОВА. – Индер ауданында ойын клубының, Махамбет ауданында фотостудияның иелері жұмыстарын жалғастырған. Мас күйде көшеде жүрген және полиция қызметкерлеріне бағынбаған 6 адам ұсталды. Сот қаулысымен оларға әкімшілік қамауға алу жазасы тағайындалды.

Фархат ӘБІЛОВ

7 сәуір, 12:47

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 707 37 300 37 нөміріне және editors@azh.kz поштасына жібере аласыз.