Дәрі алуға шықтым деп өтірік айтып, 15 тәулікке қамалды

1 821 рет қаралды


Атырауда мамандандырылған әкімшілік сотының қаулысымен жеке емхананың 22 жастағы фельдшері 15 тәулікке қамауға алынды. Ол түнгі сағат екіде көлігімен қала аралап жүріпті. Сол түні полицейлер оны екі рет – алдымен Лесхозда, содан соң ескі әуежай маңында тоқтатқан екен.

Сотта ол кінәсін мойындамай, қарындасына дәрі іздегенін айтқан. Алайда айыптау тарапы жас дәрігердің кінәсін дәлелдеп берді. Ол қалаға өз шаруасымен шыққан екен.

Прокурор Ерік МҰХАМБЕТОВ ҚР Әкімшілік құқық бұзушылық туралы кодекстің 476-бабының 6-тармағы (Мiндеттi санитариялық-эпидемияға қарсы төтенше жағдай режимiн бұзу) бойынша соттан оны кінәлі деп танып, 15 тәулікке қамауға алуды сұрады. Судья Жасұлан ЖАҚСЫЛЫҚ прокурордың өтінішін қанағаттандырды.

Фархат ӘБІЛОВ

5 сәуір, 23:15

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 707 37 300 37 нөміріне және editors@azh.kz поштасына жібере аласыз.