Экономикалық дағдарыс толқыны: Азияны кедейшілік жайлауы мүмкін

Індеттің әсерінде Шығыс Азияда миллионлаған адам кедейлік қамытын киюі мүмкін. Аймақта Қытайды қамтыған және бірқатар дамыған елдердің экономикалық дамуы баяулап, біртіндеп кері шегінеді деген болжам жасады Дүниежүзілік банк.

Болжамға сенсек, бұған дейін әлемнің екінші орнын иелеп келген Қытай экономикасы осы жылы тек 1-2 пайыздық өсім көрсетеді. Бұл тіпті ең жақысы болды деген күнде, егер пандемияны уақытында тізгіндей алмаса, онда бұл жағдай тұтас әлем экономикасына әсер етпек. 

Шығыс Азиядағы әлеуметтік жағдайларды есепке ала отырып 11 млн шамасында халықтың күні қиындай түсетіні болжанып отыр. Егер жағдай бұдан да жаманға кетсе бұл сан еселеніп артуы да мүмкін. Қазір індет жағдайы Оңтүстік Еуропа мен АҚШ-та ең ауыр күйде тұр. Ал әлем бойынша індет жұқтырғандар саны 800 мың адамға жетіп қалды,  37 мыңнан астам науқас көз жұмды. 

Індет әлемнің бірінші және екінші экономикасын иелеген елдерге ауыр ойран салды. Оның ықпалы экономикалық дағдарыс толқыны болып тұтас әлемге жайылуы мүскін. Өкінішке орай, қазіргі болжамдар алдағы бір жылда әлемдегі дағдарыстың салмағы ауыр болатынын ескертуде. 

Дереккөз: "Qazaq Times"