Облыс қыркүйекке дейін ұнға тапсырыс берді

«19 тізімнен» басқа, Атырау облысы әкімінің тапсырмасымен қазір 35 түрлі азық-түлік өнімдерінің бағалары мен қорлары бақылауға алынды. Бұлар - қияр, қызанақ, сарымсақ, тұз, алма, нан, шұжық, консервілер, балық және т.б.

- Қыркүйек айына дейін ұн мен нан жеткілікті болуы үшін біз Ауыл шаруашылығы министрлігінен 17 мың тоннадан астам ұнға сұраныс жібердік. Облыс ай сайын 700 тонна ұн мен 3700 тонна нан-бөлке өнімдерін тұтынады, - дейді ауыл шаруашылығы басқармасының басшысы Қайрат НҰРЛЫБАЕВ.

Оның айтуынша, өңірге өнімдер жеткізу тоқтатылған жоқ: соңғы аптада 3 тонна қаймақ, 16 тонна кондитерлік өнімдер, 28 тонна сүт, 51 тонна көкөніс, 2 тонна тауық еті, 2 тонна май, 20 тонна картоп, 16 тонна балық және т.б. әкелінген.

Нұргүл ХАЙРУЛЛИНА