Суши-бар әкімшісі жазаланды

859 рет қаралды


Атырауда қаладағы танымал суши-бардың әкімшісі қызметкерлері клиенттерге маска мен қолғапсыз қызмет көрсеткені үшін 3 тәулікке қамауға алынды.

Мамандандырылған әкімшілік соты суши-бардың 35 жастағы әкімшісінің қызметкелерін жеке қорғаныс құралдарымен - бір рет қолданылатын маска және қолғаппен қамтамасыз етпей, төтенше жағдай режимін бұзғанын анықтады.

Сот отырысында құқық бұзушы өз кінәсін мойындады. Прокурор соттан оны ҚР Әкімшілік құқық бұзушылық туралы кодексінің 476-бабының 6-тармағы (Міндетті санитарлық және эпидемияға қарсы шараларға қатысты төтенше жағдай режимін бұзу) бойынша кінәлі деп танып, 15 тәулікке қамауды сұрады. Сот үш күн жазамен шектелді.

Фархат ӘБІЛОВ

29 наурыз, 18:16

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 707 37 300 37 нөміріне және editors@azh.kz поштасына жібере аласыз.