Уәлиханов көшесіндегі ЖКО-да кім кінәлі

Әлеуметтік желіде бақылау камерасына түсіп қалған бейнежазба таралды. Онда Атырауда Уәлиханов көшесінде «Приора» көлігі жоғары жылдамдықпен ұшып келіп, тұрақта тұрған көліктерге соқтығысады.

Осы оқиға бойынша Полиция департаментінің баспасөз қызметі мынадай ақпарат берді: «26 наурызда шамамен сағат 18.30-да Уәлиханов көшесі бойында 1989 жылы жүргізуші басқарып келе жатқан Opel Astra апаттық жағдай жасап, соның көлігімен соғысып қалудан қашқан LADA-21703 (Приора) автокөлігінің жүргізушісі бордюрге соғып, соққы екпінімен қарсы жолдағы басқа Приораға соққан. Оқиға салдарынан Toyota Estima, Lexus NX200 и Toyota Land cruiser 100 автокөліктеріне зиян келді. Соңғы үш көлік ғимарат алдындағы тұрақта тұрған.

«Приора» жүргізушісі мен жолаушылары алғашқы медициналық көмек көрсетілгеннен кейін үйлеріне жіберілді. Қазір барлық құжаттар жиналды, бірнеше сараптама тағайындалды, кінәлі анықталуда».

Дайындаған Нұргүл ХАЙРУЛЛИНА