В Атырау
+4 
20 наурызда сағат 16.00 шамасында Атыраудағы Привокзальный ықшамауданында екі бала түтіндеген пәтер ішінде қалды. Анасы балаларын үйде қалдырып, газ плитасында пісіп жатқан тамағының астын өшіруді ұмытып кетіпті.
Күйіктің иісін сезген көршілер есіктен түтін шығып жатқанын көріп, дереу 112 нөміріне қоңырау шалған.
- Привокзальныйдағы үйлердің бірінің екінші қабатындағы пәтерді түтін алып кеткен. Келген өрт сөндірушілер пәтерге баспалдақпен терезе арқылы кірді. Ішінде алты және екі жастағы екі бала болды. Олар қауіпсіз жерге шығарылып, ешкім зардап шеккен жоқ, - деп хабарлады төтенше жағдайлар департаментінің баспасөз қызметі.
Фархат ӘБІЛОВ
22 наурыз 2020, 16:56