Жұмыс тоқтағаны үшін 42 мың теңге төленеді

Төтенше жағдай кезінде жұмыстың мәжбүрлі тоқтап қалуына байланысты жұмыс берушілер жұмысшыларға ең төменгі жалақы - 42 500 теңге төлеуі тиіс. Бұл туралы брифингте Атырау облысы бойынша мемлекеттік еңбек инспекциясы басқармасының басшысы Игілік ӘУБӘКІРОВ мәлімдеді.

- Жұмыс көлемі қысқарған жағдайда қызметкерлерге нақты жұмыс істеген уақыты үшін жалақы төленуі тиіс. Егер кәсіпорын өз қызметін уақытша тоқтатса және жұмысшыларды үйлеріне жіберетін болса, онда жұмысты тоқтатқаны үшін минималды жалақы - 42 500 теңге төлеуі тиіс, - деді Әубәкіров. - Егер еңбек және ұжымдық шартта өзгеше қарастырылса, онда ол осы құжаттарға сәйкес төленеді, бірақ ең төменгі жалақы мөлшерінен кем болмайды.

Зульфия ИСКАЛИЕВА