В Атырау
+23 
Талдықорғанда өтіп жатқан сот барысында 15 адамның өліміне қатысты айыпталып отырған Челах өз-өзіне қол жұмсамақ болған. Бұл туралы BNews.kz тілшісі сот отырысынан телефон арқылы хабарлады.
«Бұл жақта оқыс оқиға орын алды. Сот барысында Владислав Челех аяқ асты шу көтеріп, «Мен сот процессіне қатыспаймын» деп айқай салды. Мойнын бәрін бүркеніп алған оны жұлқынған күйі жанындағы құқық қорқау қызметкерлері отырыс залынан сыртқа алып шықты», - дейді тілші.
Мән-жайды түсіндіруге келген сотқа төрағалық етуші судья Ахметжановтың айтуынша, Челах өз-өзіне қол жұмсамақ болған.
«Ол өзіне қол жұмсап, кесіп тастамақ болды. Қазір оған медициналық көмек көрсетілетін болады», - деді судья.
Бірақ айыпталушының қандай зат немесе қарумен қай жерін тіліп жібермек болғаны әзірге белгісіз дейді тілші. Қазір сот барысында үзіліс жарияланды және оның қанша уақытқа созылатыны белгісіз.
Дереккөз: bnews.kz
21 қараша 2012, 10:19
WhatsApp арқылы хабар жіберу