Барымташылықты кәсіп еткендер ұсталды

Атырау облысында барымташылықты кәсіпке айналдырғандар ұсталып, қамаққа алынды. Олар өз әрекеттерін жекелей жүріп те, топтасып та іске асырып отырған.   

Индер ауданында бірнеше мал ұрлығымен айналысқан топ құрықталды. Ұрылардың екеуі Индер ауданының, ал біреуі Атырау қаласының тұрғыны. Олар 2018-2019 жылдар аралығында далалықта жайылып жүрген 3 жылқы, екі сиыр, және үш қойды ұрлап кеткен. 

Облыстық ПД баспасөз қызметі хабарлағандай, қазір ҚР ҚК 188 бабы 1,2 бөлімдерімен  қылмыстық іс көтеріліп, сотқа дейінгі тергеп-тексеру амалдары жүруде.

Ал Қызылқоға ауданында «Айнаш» алқабында өрісте жайылып жүрген  1 бас түйені ұрлаған 42 жастағы тұрғын және Құрманғазы  ауданы Нұржау, Жамбыл округтері тұрғындарының малын ұрлауды «кәсіп еткен» 37 жастағы Хиуаз ауылының тұрғыны қолға түсті.  

Ләззат ҚАРАЖАНОВА