В Атырау +4 
Бүгін, 28 ақпанда, №2 Атырау қалалық сотында облыстық денсаулық сақтау басқармасының бұрынғы басшысы Мәншүк АЙМУРЗИЕВАҒА қатысты жеңілдетілген тәртіпте қаралған қылмыстық іс аяқталды. Ол ҚР ҚК-нің 371-бабының 2-бөлігімен (Абайсызда ауыр зардаптарға әкеп соққан салғырттық) кінәлі деп танылып, оған жаза ретінде 2000 АЕК (5 млн 50 мың теңге) көлемінде айыппұл салынды. Ол сондай-ақ 3 жылға медицина саласында басшылық қызмет атқару құқығынан айырылды.
Сотта Аймұрзиева өз қызметінде аянбай еңбек еткенін айтып, айыппұл көлемін азайтуды, сондай-ақ зейнеткерлік жасқа шығуына бір жыл қалғандықтан, оны медицина саласындағы басшы лауазымдарын атқару құқығынан айырмауды сұрады.
Естеріңізге сала кетейік, бірінші отырыста ол кінәсін мойындап, процессуалдық келісім жасауға ниет білдірген-ді.
Фархат ӘБІЛОВ