В. Челах БАҚ өкілдерінен фото және бейне түсірілімдерді жасамауды өтінді

1 762 просмотра

ТАЛДЫҚОРҒАН. 19 қараша. ҚазАқпарат - Айыпталушы Владислав Челах бұқаралық ақпарат құралдарының өкілдерінен фото және бейне түсірілімдерді жасамауды өтінді.

Оның өтінішінен кейін қылмыстық істер бойынша мамандандырылған ауданаралық әскери сотының судьясы Ербол Ахметжанов жекелеген бұқаралық ақпарат құралдарының өкілдерін басты сот процесі өтіп жатқан сот залынан шығуларын өтінді.

Ербол Ахметжанов журналистерді Талдықорғандағы қалалық соттың 1-ші қабатында сот процесінің тікелей көрсетілімі жүріп жатқан арнайы орын жабдықталғанын хабардар етті.

Қазіргі уақытта түрлі бұқаралақ ақпарат құралдарының 62 өкілі видеомонитор арқылы сот процесін бақылауда. Журналистер үшін процесті хабарлау мақсатында барлық жағдай жасалынған.

Дереккөз: inform.kz

19 қараша 2012, 10:21

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.