Атырау, 28 қараша 07:18
 ашық В Атырау +1
$ 423.87
€ 505.25
₽ 5.59

Елімізде жасалатын қылмыстың 70 пайызы ұрлықпен байланысты - ІІМ министрі

1 396 рет қаралды
АСТАНА.  19 қараша. ҚазАқпарат -  Елімізде жасалатын қылмыстың 70 пайызы ұрлықпен байланысты. Бұл туралы бүгін Мәжілістегі Үкімет сағатында баяндама жасаған Ішкі істер министрі Қалмұханбет Қасымов мәлім етті.

Министрдің айтуынша, биылғы жылы ұрлыққа қатысты көрсеткіш 59 пайызға өсіп отыр. Оның ішінде әрбір төртінші ұрлық пен әрбір екінші ұрлау қылмысы ұялы телефонға қатысты орын алған.

«Дегенмен елімізде жасалатын аса ауыр қылмыстар көрсеткіші біршама азайып келеді. Мәселен, осындай ерекше ауыр қылмыстар көрсеткіші 18 пайызға төмендесе, оның ішінде кісі өлтіру 10 пайызға, денсаулыққа аса ірі жарақат салу 3 пайызға, қарақшылық шабуыл 4 пайызға кеміді»,-деді Қ. Қасымов.

Министрдің сөзіне қарағанда, тергеу жұмыстарына сотқа дейінгі өндірістің жеңілдетілген түрі енгізілген. Осыған орай бұндай форма бойынша сотқа 13 мыңнан астам қылмыстық іс жолданса, оның ішінде 445-і - аса ауыр қылмыстар.

Дереккөз: inform.kz

19 қараша 2012, 10:10

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 707 37 300 37 нөміріне және editors@azh.kz поштасына жібере аласыз.