В Атырау -4 
23 ақпанда Атыраудың Нұрсая ықшамауданында екі құрылысшы төбелесіп қалады. Ал оқиға орнына келген полиция тексере келе құрылыс компаниясында 138 келімсектің жұмыс істеп жатқанын анықтаған.
«АЖ»-ға белгілі болғанындай, компанияда 300-ден аса шетелдіктер жұмыс жасайды екен. Олар - Түркия, Әзірбайжан, Өзбекстан және Қырғызстан азаматтары. Тексеру барысында олардың 138-нің Қазақстанда заңсыз жұмыс істеп жатқаны анықталды. Олар еңбек мигранты ретінде ресми тіркелмеген.
Енді көші-қон заңнамасына сәйкес, ЖШС директорына ірі көлемде айыппұл салынады, ал келімсектер еліне қайтарылады. Бұдан басқа, тағы бір мәселе туындап отыр: Полиция департаментінің көші-қон қызметі елде заңсыз жүрген осынша келімсектерді қалайша байқамай қалған?
Фархат ӘБІЛОВ