БҰҰ: Өткен жылы Ауғанстанда 3 мыңнан астам бейбіт тұрғын шабуылдан мерт болды

2 632 просмотра

Ауруханаға жеткізілген жаралы науқас. Көрнекі сурет.

Біріккен Ұлттар Ұйымының Ауғанстанға қолдау көрсету миссиясы (UNAMA) дерегінше, 2019 жылы мұнда 3404 бейбіт тұрғын шабуылдан қаза тапқан, 6 989 адам жарақаттанған. 22 ақпанда UNAMA жариялаған есепте осындай дерек айтылады. Ұйым өкілдері осымен алтыншы рет есебін таныстырды.

Дегенмен 2018 жылмен салыстырғанда шабуыл құрбандарының саны бес пайызға азайғаны байқалады.

"Ауғанстанда азаматтардың ешқайсысы жалғасып жатқан шабуылдың зардабынан құтылып көрген емес" деді миссия жетекшісі Тадамичи Ямомото.

Ол тараптарды соғысты тоқтату үшін мүмкіндіктің бәрін пайдалануға шақырды.

"Бейбіт азаматтардың өмірі қорғалуы тиіс және бейбітшілікке қол жеткізу үшін қадамдар жасалып жатыр" деді ол.

22 ақпанда Ауғанстанда бейбіт келісім ішінара күшіне енген.

Дереккөз: Азаттық радиосы

23 ақпан 2020, 15:12

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.