«Қазақстан Темір Жолы» еншілес компаниясының бұрынғы басшысына қылмыстық іс қозғалды

1 752 рет қаралды
ҚР Экономикалық қылмысқа және сыбайлай жемқорлыққа қарсы күрес агенттігінің Астана қалалық департаменті «Қазақстан Темір Жолы» ҰК» АҚ-ның еншілес компаниясы «Транстелеком» АҚ-ның экс-президентіне қатысты қылмыстық іс қозғады.

Қылмыстық іс ҚР Қылмыстық кодексінің 176 бабы 3 тармағының «б, г» тармақшалары бойынша қозғалып отыр.

«Компанияның бұрынғы президенті және аты-жөні анықталмаған тұлға 2009 жылдың мамыры мен 2011 жылдың қарашасы аралығында «ҚТЖ» ҰК» АҚ-на «КТ&Т» ЖШС-мен № 63-1/16 консорционалды келісім бойынша қызмет көрсету барысында «Транстелеком» АҚ-ның 319 439 054 теңге сомасындағы ақша қаражатын иемденіп, талан-таражға салған», - деп түсіндірді қаржы полициясы.

ҚазАқпарат тілшісіне қалалық қаржы полициясының хабарлауынша, басқа ақпараттар тергеу мүддесіне орай таратылмайды.

Дереккөз: ҚазАқпарат

17 қараша 2012, 12:44

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 707 37 300 37 нөміріне және editors@azh.kz поштасына жібере аласыз.