"British Petroleum" ірі көлемде айыппұл төлейді

АҚШ аймағында мұнай өндіру нысандары бар британиялық   "British Petroleum"   компаниясы 4 жарым миллиард доллар көлемінде айыппұл төлейтін болды.

Бұрын-соңды Америкада осыншама ірі мөлшерде айыппұл төленбеген. Компания 2010 жылы Мексика шығанағында мұнайдың ағылуына қатысты өз кінәсін мойындады. АҚШ-тың Әділет Министрлігінің хабарлауынша, Бритиш петролиум қоршаған ортаны бүлдіріп, 11 жұмысшының өмірін қиған қылмысқа қатысты айыптау бойынша өз кінәсін толық мойындаағн. Сондай-ақ, компания Конгрестің жұмысына кедергі келтіргенін, таза су жөніндегі заң мен жыл құстары туралы келісім шартты бұзғандары үшін жауапкершілікті өз мойндарына алған. Ал, АҚШ-тың Әділет Министрлігі болса, компанияның үстінен сотқа шағымданбайтын болып келісті. Естеріңізге сала кетсек, 2010 жылдың 20-ы сәуірінде Бритиш петролиумның иелегіндегі мұнай өндіретін платформасында жарылыс болып, 11 адам қаза тапқан еді.

Дереккөз: khabar.kz