В Атырау 0 
Кезекті митингтен үш күн өткеннен кейін «АЖ» тілшісі арнайы ХҚКО-ға барып, шетелдік нөмірлі автокөлік иелерінің ешқайсысы әлі өз көлігін тіркемегенін және сары нөмір алмағанын білді. Кедендік әкімшілендіру басқармасы бөлімінің бастығы Рүстем ЖАЙЛАШЕВТЫҢ айтуынша, осы уақыт ішінде оларға 80-ге жуық адам тек кеңес алу үшін ғана жолыққан.
Шетелдік көлікті уақытша тіркеу үшін не істеу керек?
- жеке тұлғаның куәлігі;
- бастапқы тіркеу үшін алым (салық кодексіне сәйкес, 2 жылға дейінгі жаңа автокөлік үшін – 663 теңге, 2 жылдан 3 жылға дейін – 132 550 теңге, 3 жылдан жоғары болса - 1 325 500 теңге);
- МТНБ (мемлекеттік тіркеу нөмірлік белгісі) дайындауға мемлекеттік баж - 7423 теңге;
– көлік құралын тіркеу туралы куәлік алуға мемлекеттік баж – 3314 теңге.
Төлемдердің ішінде осы алғашқы тіркеу үшін алымға автокөлік иелері қатты наразы, себебі шетелден әкелінген көліктердің барлығы дерлік 3 жылдан асқан.
Осы құжаттарды жинақтағаннан кейін ғана көліктің иесіне уақытша сары нөмір беріледі.
Айтпақшы, егер бұрын шетелден әкелінген автокөліктерді тіркеу үшін олар Еуро-5 стандартына сәйкес келуі тиіс болса, енді Еуро-4 көліктерді де тіркеуге болады.
Қандай автомобильдер Еуро-4 және Еуро-5 стандарттарына жатқызылады?
Егер автокөлік иесі сары нөмір алса, 2021 жылғы 1 наурызға дейін өз көлігін қазақстандық ретінде рәсімдеуі тиіс, ал ол үшін оған Қазақстанға әкелінген көліктерге салынатын утилизациялық алымды төлеуге тура келеді. Қозғалтқышының көлемі 1000 текше см-ден 2000 текше см-ге дейінгі автокөлік иесі 927 850 теңге, 2000 текше см-ден 3000 текше см-ге дейін – 1 325 500 теңге төлейді.
Ал егер армян немесе қырғыз нөмірі бар автокөлік болса, онда оған қоса кедендік төлемдер қосылады.
Уақытша тіркеу туралы куәлік көлікті 2020 жылғы 1 ақпанға дейін елге әкелгендердің барлығына беріледі. Егер 2021 жылғы 1 наурызға дейін сары нөмірлері бар автокөлік иесі утилизациялық алым мен кедендік төлемдерді төлеп, тұрақты тіркеуге тұрмаса, онда ол көлікті елден шығаруы тиіс.
Нұргүл ХАЙРУЛЛИНА
Суретті түсірген автор