В Атырау +4 
ҚР Экономикалық қылмысқа және сыбайлас жемқорлыққа қарсы күрес агенттігі Атырау облыстық департаментінің (қаржы полициясы) қызметкерлері Атырау қалалық Салық басқармасының өндірістік емес төлемдерді әкімшілендіру бөлімінің бастығын ұстады.
Ол азамат М-дан тыйым салынған банк шотын ашу және құжаттарды кедергісіз алу мәселесін шешу үшін 70 мың теңге мөлшерінде пара алды деп күдіктеліп отыр. ҚР ҚК-нің 177-бабының 3-тармағының «г» тармақшасы бойынша (мемлекеттiк қызметкердің қызмет бабын пайдаланып жасаған алаяқтығы) қылмыстық іс қозғалды, - деп хабарлайды жергілікті қаржы полициясының баспасөз қызметі.
Зульфия ИСКАЛИЕВА
14 қараша 2012, 20:42