Әлеуметтік желіде 24 қаңтар күні белгісімен "ҚазМұнайГаз-Аэро" ЖШС Бас директоры Н.Нұрлановтың қолы қойылған құжат пайда болды. Онда бензин мен дизель отынының бағасы көтерілгені туралы айтылады.
"ҚР Үкіметінің 2014 жылғы 12 желтоқсандағы №1304 «Мұнай өнімдерін жеткізу бойынша бірыңғай операторды анықтау туралы» қаулысын орындау аясында «ҚазМұнайГаз – Аэро» ЖШС мұнай өнімдерін талондық жүйе бойынша 2020 жылдың соңына дейін төмендегі бағалар бойынша жеткізуге дайын екенін хабарлайды:
1. АИ 92 - 181,00 теңге/литр, ҚҚС есебімен;
2. АИ 95 - 193, 00 теңге/литр, ҚҚС есебімен;
3. АИ 98 - 212, 00 теңге/литр, ҚҚС есебімен;
4. Жазғы дизель отыны - 217,00 теңге/литр, ҚҚС есебімен;
5. Қысқы дизель отыны - 299,00 теңге/литр, ҚҚС есебімен.
Жоғарыда көрсетілген мұнай өнімдерінің бағасы 30% алдын ала төлем енгізген жағдайда жарамды болады».
Кейін компания "әуесқой автокөлік жүргізушілері бұған алаңдамауына болады, себебі бұл бағалар тек контрагенттерге, яғни «ҚазМұнайГаз – Аэро» ЖШС-мен келісімшартқа отырған компанияларға ғана қатысты" деп мәлімдеді.
«ҚазМұнайГаз-Аэро» ЖШС мұнай өнімдерін азаматтық тұлғалар мен ұйымдарға нарықта сатуды жүзеге асырмайды. Интернет желісінде таралған хат Үкіметтің 2014 жылғы 12 желтоқсандағы №1304 «Мұнай өнімдерін жеткізу жөніндегі бірыңғай операторды айқындау туралы» қаулысын іске асыру аясында міндеттемелерді орындауға ғана арналған. Бағам жыл аяғына дейін тіркелген және бағаның ауытқуы мүмкін деген тәуекелдерін қамтиды", - делінген компанияның ресми хатында.
Дайындаған Анастасия АЛЮШИНА