Аты аңызға айналған спортшы мен 13 жасар қызы қаза болды

Бейнежазба

2 938 просмотра

АҚШ-та тікұшақ апатынан аты аңызға айналған баскетболшы Коби Брайант пен 13 жасар қызы Джианна Мария қаза болды. Спортшының төрт баласы бар еді, деп хабарлайды TMZ Sports.

Әуе апаты болған кезде олар достарымен бірге тікұшақпен жаттығуға бара жатқан. Тікұшақ таңертең, 26 қаңтар күні Лос-Анджелес округіндегі Калабасас қаласының маңында құлады. Бортта барлығы тоғыз адам болған: бір пилот және сегіз жолаушы. Бәрі көз жұмды.

Джианна Марияның өлімін Лос-Анджелес қаласының мэрі Эрик Гарсетти растады. АҚШ-тың бұрынғы президенті Барак Обама қайғылы оқиғаға қатысты өзінің Twitter-інде жазба жариялады.

"Коби алаңның аңызы еді. Ол өзі үшін аса маңызды жұмысты енді қолға алған болатын. Джианнадан айырылу біз үшін өте қайғылы. Мишель екеуіміз Брайанттың отбасы үшін сыйынып, махаббатымызды жолдаймыз", - деп жазды Обама.

Дереккөз: Sputniknews.kz

27 қаңтар 2020, 09:55

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.