Ананың көңілі балада

18 қаңтарда Құлсары қаласындағы №18 мектепте ақылы ҰБТ жүріп жатқанда ата-аналардың бірі – 56 жастағы әйел қайтыс болды.

Әлеуметтік желідегі жазбаларға сенсек, ҰБТ-ға кіру кезінде қызының ұялы телефонын алып қойған, соған анасы қатты мазасызданыпты.

- Түскі 13.50 шамасында жедел жәрдемге шақырту түсті. Бригада дер кезінде жеткенімен, әйелді аман алып қалу мүмкін болмады. Өлім себептері анықталып жатыр, - дейді Жылыой аудандық жедел жәрдем бөлімінің меңгерушісі Ғалия ҚАЛИЕВА.  

Жылыой ауданы әкімінің орынбасары Әнуар ШАКИРОВ:

- Өкінішке орай, әйел адам қайтыс болды. Қылмыстық құрамның жоқтығына байланысты іс көтерілмеді. Алып-қашпа әңгіме көп, бірақ Құлсары қаласында ҰБТ екі күн бойы өз тәртібімен өтті, оқушыларға ешқандай қысым жасалған жоқ.

Ләззат ҚАРАЖАНОВА