Облыстық ауруханадағы баланың өліміне қатысты тергеу басталды

3 073 рет қаралды

Батарейка жұтқан 11 айлық сәбидің Атырау облыстық балалар ауруханасында қайтыс болуына байланысты Полиция департаменті сотқа дейінгі тергеп-тексеруді бастады.

- Осы оқиғаға қатысты ҚР ҚК 317-бабының 3-бөлігі ("Абайсызда адам өлiмiне әкеп соққан медицина қызметкерiнiң кәсiптік мiндеттерiн тиiсiнше орындамауы") бойынша сотқа дейінгі тергеу басталды, сараптама тағайындалды. Тергеу барысы облыс прокуроры мен полиция департаментінің бақылауында, - деп хабарлады ПД баспасөз қызметі.

Сонымен қатар, өмірмен қош айтысқан сәбидің әжесі Facebook-те немересінің өліміне облыстық аурухана дәрігерлерін кінәлап, Қазақстанның денсаулық сақтау министрі Елжан БІРТАНОВҚА үндеухат жариялады. Хатта көрсетілгендей, бала Ipad-тың қақпағындағы кішкентай магнитті жұтып қойған, ал дәрігерлер ол зат баланың дәретімен шығады деп сендірген.

Енді бұл іспен полиция айналысады.

Фархат ӘБІЛОВ

13 қаңтар 2020, 16:27

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.