В Атырау
0 
ҚР Мемлекеттік қызмет істері агенттігінің Атырау облысы бойынша департаментінің басшысы Расул МЕДЕТОВКЕ Президенттік жастар кадрлық резервінің тізіміне енгеннен кейін Нұр-Сұлтан қаласында жаңа қызмет ұсынылды. Департаменттің баспасөз қызметі хабарлағандай, Медетов ҚР Жемқорлыққа қарсы іс-қимыл агенттігінің серіктестік департаментінің директоры болып тағайындалды.
33 жасар Расул Медетов біздің өңірде 5 жылдай қызмет етті. Бұған дейін ол Ақтөбе облыстық мемлекеттік істер департаментін басқарған.
Естеріңізге сала кетсек, Президенттік кадрлық резервтегі 300 адамның ішінде Атырау облысынан Медетовтан басқа «ТШО» ЖШС-нің бас сарапшысы Махмуд СЕЙІЛХАНОВ, «Ембімұнайгаз» АҚ департамент директорының орынбасары Ғибрат АУҒАНОВ, Атырау облыстық экономика және бюджеттік жоспарлау басқармасының басшысы Айдар НҰРӘЛИЕВ және «АМӨЗ» ЖШС-нің департамент директоры Тимур МЕНДЕБАЕВ бар.
Фархат ӘБІЛОВ