Атырау қаласының әкімі әзірге еңбек демалысында

Соңғы кездері Атырау қаласының әкімі Әлимұхаммед ҚҰТТЫМҰРАТҰЛЫ өз еркімен жұмыстан кету туралы арыз жазды деген сыбыс тарап кетті. Әлеуметтік желілердегі жазбаларға сүйенсек, мұнайлы астананың мэрі Атырау облысының экс-әкімі Нұрлан НОҒАЕВТЫҢ энергетика министрі болып тағайындалуына байланысты кетіп жатыр-мыс. "АЖ" осы жайттың анық-қанығын білу үшін  Атырау қаласы әкімдігінің баспасөз қызметіне хабарласты.

- Иә, біз бұл туралы хабардармыз. Қала әкімі Әлимұхаммед Құттымұратұлы дәл қазіргі уақытта еңбек демалысында. Шамасы соған байланысты осындай сыбыстар тараған болар, - деп жауап берді қалалық әкімдіктің баспасөз хатшысы Әлібек НАУАРОВ.

Фархат ӘБІЛОВ