Атырау, 29 қаңтар 00:49
Таңертең бұлыңғыр болады0, күндіз +4
ҚР Ұлттық банкінің валюта бағамы: $ 380.84  € 419.50  P 6.05

Атырауда өзен мұзы опырылып, бір бала суға кетті ДОПОЛНЕНО

5 қаңтар 15:34


4 қаңтарда кешкі сағат 8-дерде Жайық өзенінің қала маңындағы Томарлы-2 ауылы тұсында мұз опырылып, үстінде ойнап жүрген төрт баланың бірі суға батып кетті.

12-15 жастағы үш бала «ағзаның тоңазуы» деген диагнозбен облыстық балалар ауруханасына жеткізілді. Алдын ала анықталған мәлімет бойынша, әлі қатып үлгермеген мұз балалардың салмағымен ойылып кеткен.

- Үш бала құтқарылды, бірақ 14 жастағы бір бала суға батып кетті. Екі жасөспірім облыстық балалар ауруханасында жатыр, үшіншісі үйіне кетті. Қазір суға кеткен  жасөспірімді  іздеу жұмыстары  жалғасуда. Бұл жұмыстарға 9 адам, соның ішінде төрт сүңгуір және кинологиялық қызметтің қызметкері қызметтік-іздегіш итпен жағалауды тексеру жұмыстарына жұмылдырылды, - деді бүгін күндіз арнайы шақырылған брифингте ТЖД бастығының орынбасары Асхат ЕРЖАНОВ

Соңғы мәліметтер бойынша, баланың денесі кешкі сағат 18 шамасында, ағыстан төмен қарай оқиға орнынан 25-30 метр жерден табылған.

Бұдан басқа, Атырау полициясы қалалық №2 полиция бөлімінің учаскелік инспекторлары Қуандық СҮЙІНДІКОВ пен Тимур БАЛМАҒАНБЕТОВТІҢ суға батып бара жатқан жасөспірімдерді құтқарған кезде полицей жетонына түсіп қалған видеоны жариялады.

Қаза болған жасөспірім - Б.Момышұлы атындағы №25 орта мектептің оқушысы.

Фархат ӘБІЛОВ

Нашли ошибку? Выделите её мышью и нажмите Ctrl + Enter.

Есть, чем поделиться по теме этой статьи? Расскажите нам. Присылайте ваши новости и видео на наш WhatsApp +7 707 37 300 37 и на editors@azh.kz

 

1436 рет қаралдыБасты бет Поделиться:

Подпишитесь и узнавайте о новостях первыми


Басты бет

Наш WhatsApp номер для новостей:
1 2 3