Атырау, 29 қаңтар 00:50
Таңертең бұлыңғыр болады0, күндіз +4
ҚР Ұлттық банкінің валюта бағамы: $ 380.84  € 419.50  P 6.05

Жаңаөзен оқиғасын еске түсіру жиынына келетін кей белсенділерге қысым жасалған

14 желтоқсан 2019 16:45

Алматыда демократиялық партия құрғысы келетін бастамашыл топтың жиыны

Алматыда "Қазақстанның демократиялық партиясын" құрғысы келетін бастамашыл топтың жиыны өтіп жатыр. Азаттық тілшісінің хабарлауынша, оған шамамен жүзден астам адам қатысып жатыр. Олардың арасында жазушы Қабдеш Жұмаділов, Софы Сматаев, саясаткер Төлеген Жүкеев бар.

Бұған дейін бастамашыл топ өкілдері мұнда үш мақсатта жиналамыз деп мәлімдеген: Желтоқсан және Жаңаөзен оқиғасы құрбандарын еске алып, құран оқыту, партияның Алматыдағы штабын құру және Жаңаөзен оқиғасы туралы жазушы Ырысбек Дәбейдің "Қоңыз" романының тұсаукесерін өткізу. Жиын басталар алдында жиналғандар Желтоқсан және Жаңаөзен оқиғасы құрбандарын бір минут үнсіз тұрып, еске алды.

Бастамашыл топтың жетекшісі Жанболат Мамай Алматыдағы жиынға келгісі келген аймақтағы белсенділерге қысым жасалғанын айтады. Атап айтқанда, оның айтуынша, "Қостанайда жиынға келгісі азаматтарды полиция пойыздан түсіріп, әкімшілік жазаға тартқан". (Мамай полицияның оларды не үшін айыптағанын айтпады). Осыған ұқсас оқиға Қызылорда мен Таразда да болған. Әзірге полиция бұл оқиғаларға байланысты түсініктеме бермеді.

Күз айларында жақтастарын жинау үшін Қазақстанның түрлі аймағын аралаған бастамашыл топ бірнеше қаладағы жиындарында "арандатушылардың" кедергі жасағанын айтқан.

Жанболат Мамай 16 қазанда Алматыдағы жиында "Қазақстанның демократиялық партиясын" құратынын мәлімдеген. Ол “партияның мақсаты сайлауға түсу емес, елдегі билік жүйесіне өзгеріс енгізу, халықтың үнін билікке жеткізу” екенін айтқан.

Қазір Қазақстанда "Нұр Отан", "Ақ жол", Коммунистік халықтық партия, "Бірлік", "Ауыл", ЖСДП және "Азат" партиялары ресми тіркелген. Оның үшеуі - "Нұр Отан", "Ақ жол" және Коммунистік халықтық партияның Қазақстан парламентінен орын алған.

Қазақстан заңына сай, партия құрғысы келгендер алдымен мың адам қатысқан құрылтай өткізуі тиіс. Билік 40 мың мүшесі бар партияларды ғана ресми тіркейді.

Дереккөз: Азаттық радиосы

Нашли ошибку? Выделите её мышью и нажмите Ctrl + Enter.

Есть, чем поделиться по теме этой статьи? Расскажите нам. Присылайте ваши новости и видео на наш WhatsApp +7 707 37 300 37 и на editors@azh.kz

 

1007 рет қаралдыБасты бет Поделиться:

Подпишитесь и узнавайте о новостях первыми


Басты бет

Наш WhatsApp номер для новостей:
1 2 3