«Атырау» ФК бюджеті екі есе қысқармақ және мини-футбол командасы құрылады

3 876 просмотра

Экономика және бюджеттік жоспарлау басқармасының басшысы Айдар НҰРАЛИЕВТІҢ айтуынша, келер жылы «Атырау» футбол клубының бюджеті айтарлықтай қысқаратын болады. Егер осы жылы ол 1 млрд. 922 млн. теңгені құраса, 2020 жылы бұл сома кемінде екі есе қысқармақ.

- Бұл команданың 1-ші лигаға түсіп қалумен байланысты ма?

- Иә.

Дегенмен, 2020 жылға арналған облыстық бюджетке мини-футбол клубын қаржыландыру енгізіліп отыр. Алайда, оған бөлінер қаржы «үлкен» футболға қарағанда аз болары анық.

- Біздің облыста мини-футболды ресми түрде 74 команда ойнап жүр, оған жүздеген ойыншылар қатысады. Сондықтан да біз Атырауда кәсіби мини-футбол клубын құру жөнінде ұсыныс берген едік, - дейді спорт және дене шынықтыру басқармасының басшысы Ринат ИБРАГИМОВ. – Оның да атауы "Атырау" болады және мини-футболдан ҚР Жоғары Лигасының чемпионатына қатысады.

Мұрат СҰЛТАНҒАЛИЕВ

12 желтоқсан 2019, 16:02

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.