Атырау, 29 қаңтар 01:16
Таңертең бұлыңғыр болады0, күндіз +4
ҚР Ұлттық банкінің валюта бағамы: $ 380.84  € 419.50  P 6.05

Жолда қалған әзербайжандық дзюдошылар құтқарылды  

8 желтоқсан 2019 08:00


6 желтоқсанға қараған түні Исатай ауылының маңында «Атырау-Астрахан» трассасында жол полицейлерінің назарына жол жиегінде тұрған Mercedes Sprinter шағын автобусы ілікті. Оның ішінде Атырауда өтетін дзюдо күресінен халықаралық жасөспірімдер турниріне Әзірбайжаннан келе жатқан 16 жасөспірім мен 3 ересек адам бар екен. Автобус бұзылып, далада тұрып қалған.

Күн едәуір салқын болғандықтан, барлық адамдар жедел түрде Исатай ауданының әкімшілік орталығы Аққыстау ауылына жеткізілді. Жолаушылар сол жерден тамақтанып, жылынып алды. Көп күттірмей, полиция департаменті аудан әкімдігінің қолдауымен жолаушыларды облыс орталығына жеткізу үшін автобус ұйымдастырды.

Бакуден келген жас дзюдошылар мұнайлы астанада 10 желтоқсанға дейін болады.

- Осы уақытқа дейін шағын автобусты жөндетіп, жолға шығуға дайындаймыз және міндетті түрде шығарып саламыз, - деп сендірді Атырау облысы Полиция департаментіндегілер. Ал жүргізуші Мурад САФИЕВ дер мезгілде көмек көрсеткені үшін Атырау полицейлеріне алғысын білдіріп, оларды марапаттауды сұрап, бейнежолдау таратты.   

Ляззат ҚАРАЖАНОВА

Нашли ошибку? Выделите её мышью и нажмите Ctrl + Enter.

Есть, чем поделиться по теме этой статьи? Расскажите нам. Присылайте ваши новости и видео на наш WhatsApp +7 707 37 300 37 и на editors@azh.kz

 

2212 рет қаралдыБасты бет Поделиться:

Подпишитесь и узнавайте о новостях первыми


Басты бет

Наш WhatsApp номер для новостей:
1 2 3