Атырау қонағының пәтерінен көп мөлшерде қарасора табылды

2 573 рет қаралды


Атырауда полицейлер 36 жастағы Өзбекстан азаматының уақытша тұратын пәтерін тексеру барысында 1,5 келі кептірілген қарасора тапты. Шетелдік абақтыға қамалып, ҚР ҚК-нің 296-бабы 4-бөлімі («Аса ірі көлемде есірткі заттарын заңсыз пайдалану») бойынша қылмыстық іс көтерілді.

Полиция департаментінің баспасөз қызметі тағы бір ескірткі саудалау қылмысы туралы хабарлады: 35 жастағы атыраулық әйелден 2 граммдай синтетикалық есірткі табылған. Жалпы, жыл басынан бері 5 синтетикалық есірткі заттарын заңсыз айналымға салу фактісі анықталған.

ПД-ның облыстық есірткі қылмысына қарсы басқармасы шұғыл желі ашты. Егер есірткі заттарын заңсыз сату фактілерін кездестірсеңіз, watss app мессенджері арқылы 8775 184 89 49 номеріне хабарлау керек.

Ләззат ҚАРАЖАНОВА

1 желтоқсан 2019, 20:40

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 707 37 300 37 нөміріне және editors@azh.kz поштасына жібере аласыз.