Құлсарыда жасөспірім қыз асылып қалды

6 830 просмотра

28 қарашада Құлсары қаласында тұратын 13 жастағы жасөспірім қыз өз үйінің гаражында асылған күйде табылды.

- Оқиға түнде болған, оны анасы тауып алыпты. Қыздың не себептен суицидке барғаны белгісіз, бойынан оғаш қылық байқалмаған, мектепте жақсы мінезімен танылған, толыққанды отбасынан шыққан, - дейді Жылыой аудандық білім бөлімінің басшысы Айбарша ҚАҚПАНБАЕВА. - Ешқандай хат та қалдырмапты, тек, неге екені белгісіз, ұялы телефондағы барлық жазбаларды өшіріп тастаған. Телефонды сараптамаға әкетті.

- Жуырда облыстық әкімдікте болған жиналыста әлеуметтік желіде оқушыларды суицидке жетелейтін түрлі ойындар қайта басталғаны туралы айтылған еді. Мұнымен байланысы жоқ па?

- Аудандық полиция бөлімі тергеп-тексеру амалдарын жүргізуде. Қазір нақты ештеңе айта алмаймын.

Айта кету керек, Жылыой ауданында 2017-18 оқу жылында 5 оқушы өзін-өзі өлтірсе, 2 оқушыны аман алып қалу мүмкін болған.

Ләззат ҚАРАЖАНОВА

29 қараша 2019, 16:32

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.