Дональд Трамп боксшы образындағы суретін жариялады

АҚШ президенті Twitter желісіндегі парақшасында боксшы кейпіндегі фотосуретін жариялады, - деп хабарлайды РИА Новости.  

Фотода Трамп жартылай жалаңаштанған, қолғап, көк шолақ шалбар және чемпион белбеуін киген. Алайда Трамп бұл суретті неліктен жариялағанын түсіндірмеген.  Бұған дейін 73 жастағы АҚШ президенті оның денсаулығына қатысты БАҚ беттеріндегі хабарламаларға наразы екенін айтқан. Трамп қарашаның ортасында аяқ астынан Вашингтон маңындағы әскери госпитальға барған болатын. Артынша қауесет тарап кеткен. 

pic.twitter.com/11nzKwOCtU
— Donald J. Trump (@realDonaldTrump) November 27, 2019

Ақ үй мәліметінше, Трамп кезекті тексерістен өткен.  Трамптың сөзінше, ол БАҚ беттеріндегі жаңалықтарда көбіне оның жүрегі ұстап қалғаны жазылған. Кезекті тексеріс нәтижелері бойынша президенттің денсаулығы оның артық салмағы бар екеніне қарамастан жақсы.  

Дереккөз: Tengrinews.kz